盒子网前TVB小花梁茵转做侍应，哭诉旧公司刻薄：被消失原因系觉得我冇价值！
TVB《爱‧回家之开心速递》Anita「威龙潘金莲」梁茵（Kiko）去年离巢后惊爆经济困难，早前接受访问时直言银行户口只剩个位数金额，身上也只剩几千元，说：「真系所剩无几，最多顶到三个月，希望唔使屋企人接济，始终我到咗呢个年纪，都唔应该倚靠父母。」并表示如果有人请的话，做侍应也绝不是问题。原来近日梁茵经朋友介绍下，已到位于尖沙咀的一间日本料理店正式上班做侍应，负责接待顾客、带位、嘟安心出行，传媒亦到场直击。
现场所见，换上一身粉色和服服饰的梁茵分外突出，虽然梁茵身兼艺人身份，但她站在日本料理店门外接待客人时也没有丝毫尴尬，遇到有客人提问时也十分专业回答，也会帮顾客扫安心出行。
梁茵（Kiko）接受访问时大爆，虽然离巢后接到一定数量的工作，有IG宣传也有代言人的工作，但大部份公司以疫情关系借口拖数，令她「有汗出冇粮出」，储蓄用光后才决定先找一份工作维持生活。梁茵说：「有啲系几千数，另外有代言工作系几万。总数唔够10万，但系一定超过几万。呢段时期都几辛苦，你都知出面所有嘢都系贵，冇减过，人工就减咗。我以为离开咗之后会有新开始，多啲公司搵我做嘢。有公司系搵我，但系拖粮，有Job畀你，但系拖粮啰，变相我系吃力。」
梁茵坦言，自己在TVB工作很多年，离开时确实需要很大勇气，说：「除了毕业后暑期工同埋一啲短时间工作，我呢9年都系演艺工作。讲真我对公司（TVB）系有感情，但系对我唔系好公平，最后嗰一年佢话我under-show。」
梁茵透露，那一年公司（TVB）指她under-show，即是工作量不足。她说：「因为我哋要背住几多show几多show先可以出嗰个粮。嗰时同公司一路都倾紧，由当初要赔钱到后尾唔需要赔钱，我都花咗好多心机同时间。因为我一直都唔知渠点计，就算到今时今刻都系得渠讲，我好似冇得say咁，我好似好眇小，你明唔明呀？」
梁茵认为，自己在《爱‧回家之开心速递》不时都有出镜，理应不会under-show，而且她对TVB的计show方法一直存疑，又认为现在的TVB不重视旧人或者老一辈。她说：「可能有啲人要被消失，而被消失慨原因就系渠觉得我哋冇价值，太多新人涌现，旧嗰批兼顾唔到就宁愿流失。喺我哋身上仲有咩可以榨干榨净就系我哋份合约。如果你可以赔钱，渠咪同你讲你争几多个骚，你要赔钱先可以解约，如果唔系放你埋一边。」经济有困难，不打算回巢吗？梁茵直言：「因为好尽，佢话我under-show，呢样嘢系冇可能发生。」
以前的新闻或是网上传闻中，有不少网民都说「梁茵陪老细」，「梁茵被人包养」甚至直指「梁茵从事不道德交易」。梁茵接受访问时也当面澄清，她说：「如果系因为角色而对我真实个人有其他睇法，其实系一件好无辜慨事。Anita呢个角色系拜金港女慨小人物，但系唔代表我本人就系咁。」
说到一半，梁茵更激动落泪，说：「如果系咁，我本人就唔使咁惨，而家就过得好好，唔需要落场帮手。我都唔需要低声下气同记者讲我有几惨。因为拖咗好多年，无论我自己接Job或者公司帮我接Job，总有人拖粮，出面啲人以为我好景就讲我坏话，但系又有几多人知我哋苦况，我哋只系想要多啲机会。」
梁茵续说：「小市民中骗局可以上《东张西望》讲，但系我哋艺人俾公司剥削，又有几多人会企出嚟讲个制度唔啱，系咪以前一个台垄断晒个市场，渠就可以咁样对我哋。而家就系百花齐放，点解我又唔跳出嚟？」她续指，做小角色并没有得到公司太多支持，就好似她多年来都被指被包养，但公司却一直叫她哑忍不作澄清。
她说：「我一直都系拍我角色做我慨戏，其他人对我误解我又唔识解释，后来个误解又大到我都唔知点解释。公司一直说法就系鸵鸟政策，唔好解释唔好愈描愈黑，因为冇理由令所以人相信，但系渠只会帮有价值慨演员澄清。渠只系帮一线演员澄清，又系呢啲事干又或者系感情问题。渠帮慨原因系有价值，而唔帮我原因就系我冇价值。呢个世界真系好现实。我希望做返啲务实工作，令自己有返啲积蓄。」
餐厅传讯总监林柏希接受访问时表示满意「新同事」梁茵的表现，也十分同情梁茵的情况，说：「我睇咗篇报道，都阴公，因为我本身娱圈出身，我都系知道娱乐圈唔系容易事，都系表面风光。好坦白讲反正餐厅扩充又需要人，所以请渠嚟双赢。我需要人渠又需要工作，所以就经朋友搵佢。我都担心渠系艺人愿唔愿意。」
梁茵说：「愿意呀，因为真系冇嘢做。」林柏希说：「头先做咗训练，渠都好啱做，唔止系做演员读对白，渠都好清楚自己要做咩嘢，除咗安心出行、探热，仲有有咩coupon收，menu有咩，渠又完成记到，好似剧本咁记到晒，又真系有潜质做饮食业。」他表示，餐厅生意十分好，尤其是星期六、日，所以梁茵就正好补充到餐厅人手的不足。
